Мајката и менаџерка на Кардашијанките, Крис Џенер откри како успеала да добие пари за славата на своето семејство...
Седејќи со прекрстени нозе на креветот, Крис Џенер, главата на реалити семејството во новиот број на списанието Hollywood Reporter се обидува да го објасни необјаснивото: Зошто Кардашијанките? Зошто препирањата на нејзините ќерки, одењето во шопинг, порачувањето за депилација и други тривии станаа фасцинација за американската нација? Зошто Ким, која до пред четири години беше позната по домашнен порнич, е четвртата најбарана личност на Google за 2010 година (веднаш по Џастин Бибер, Кети Пери и Селена Гомез)? И зошто е популарн пост-милениумскиот тренд да се стане славен затоа што си славен?
„Ние сме само големо семејство со многу драма и многу проблеми, и со секој од нас може некој да се поистоветува“, изјави 55 годишната мајка на шесте Кардашијанци - Кортни (31), Ким (20), Клои (26), Роберт (23), Кендал (15) и Кајли (13), и сопруга на добитникот на олимпијски медал Bruce Jennera.
„Сметам дека шоуто ви дава надеж, ако било кога се имате засрамено од сопственото семејство, затоа што, на пример, мајка ви е готвачка, а татко ви е премногу строг. Толку многу луѓе имаат дојдено и кажано - се сеќавам на епизодата кога плачевте за бла, бла, бла и тоа многу ми помогна, затоа што заради вас успеав да ја пребродам смртта на моите родители“, изјави Крис Џенер.
Се разбира, станува збор за мајка која во спалната соба во калифорниските Hidden Hills има фотографија од своите три најстари ќерки на која една од нив напишала со розов кармин „Hookers R Us“ (превод: Ку*вите се ние). Но, ако Кардашијанките немаат цензура, немаат ни срам, и токму тоа е голем дел од нивниот шарм.
Кога се појавија со реалити шоу во 2007 година, благодарение на однесувањето без граници успеаа да ги надминат петнаесетте минути слава колку што обично траат инстант ѕвездите на таквите шоуа, и да изградат профитабилна империја.
И додека камерите продолжуваат да го снимаат животот на осум члениот клан, семејството Кардашијан успеа да заработи повеќе од Анџелина Џоли, Сандра Булок и Том Круз заедно за година дена - запрепастувачки 65 милиони долари (извор близок на семејството ја потврди сумата, пренесува Hollywood Reporter). Како менаџерка, Крис Џенер на своите деца им зема 10% од вкупната заработувачка.
