78 годишната Елизабет Тејлор е прифатена за итни интервенции во болница во Лос Анџелес, пишува американскиот таблоид National Enquirer...

Легендарната актерка се пожалила од силни болки во стомакот и е транспортирана со брза помош од нејзиниот дом во Бел Ер до медицинскиот центар "Сидар Синај".

Лекарот кој ја прегледал, рекол дека Тејлор има внатрашно крварење и во моментов е во многу тешка состојба.

"Елизабет Тејлор се бори за својот живот, многу е лошо. Децата се тука исто така. Молете се за неа", рекол близок член на семејството.

Со години Тејлор има здравствени проблеми. Таа често се појавува во инвалидска количка на јавни места.