Во рамките на турнејата Sticky & Sweet Мадона ќе одржи 15 концерти во Европа, а Будва покрај Цирих и Виена е единствено место каде што нема да одржи стандарден стадионски концерт. Концертот ќе се одржи на плажата Jaz и ќе трае 2 часа и 30 минути.Опремата за спектаклот ќе биде донесена во 18 шлепери додека озвучувањето и останатата пропратна опрема ќе пристигне во 2 авиона за подоцна во 30 шлепери да биде пренесена на Jaz.Концертот ќе биде одржан на 73.000 метри квадратни и 8.000 паркинг места.Поп кралицата ќе ја прати екипа од 250 луѓе.За време на престојот, Мадона ќе биде сместена во луксузен кралски апартман од 360 квадратни метри во хотелот Splendid чија изградба чинела 1.300.000 евра. Дневниот закуп на луксузниот апартман чини околу 7.000 евра. Неофицијално се дознава дека за Мадона и за нејзините работници е резервиран целиот хотел.Во продажба се пуштени околу 66.000 карти од кои 58.000 кои чинат по 35 евра, 5.500 кои чинат по 70 евра, а местата на трибините чинат по 200 евра само за 2.500 луѓе.
