Џорџ Клуни им ја отстапил својата вила покрај езерото Комо на големото семејство на Бред и Анџелина и наводно зажалил...

Децата на најславниот холивудски пар, Бред Пит и Анџелина Џоли, наводно уништиле скапоцен мебел во домот на Џорџ Клуни покрај езерото Комо кој им го отстапил на користење. Како што пренесува National Enquierer, шесте, очигледно, разгалени деца, толку се заиграле што се завршило со уништување на антички мебел и скапоцени сувенири со кои вилата била опремена.

Неименуван извор за истиот таблоид изјавил дека Клуни толку побеснал на сцената што го дочекала во домот покрај езерото Комо што на децата им ја покажал вратата, а исто така постапил и кон Бред и Анџелина.
„Работите излегле од контрола и сега едноставно не зборуваат едни со други“, наведува изворот. Но, агентот на Џорџ Клуни не се согласува со наведеното тврдење.
„Не е вистина тоа што се пишува, сето тоа е само една голема измислица“, јасно порачува агентот.

Децата на славниот пар не се баш познати како најмирни, што го потврди и поранешната дадилка на семејството Џоли-Пит која јавно го пренесе делот од семејната атмосфера во која работеше. Притоа ги нарече нивните деца „непристојни чудовишта“, а Анџелина „грозна мајка“. Бранџелина, како и сега, така и тогаш, на обвинувањата одговори со молчење.