Ќе ви покажам која сум навистина јас, внатре ќе се случуваат луди работи...

Парис Хилтон најави ново реално шоу за нејзиниот живот кое започнува со емитување на пролет. Старлетата и богата наследница ветува дека шоуто ќе покаже "која е навистина Парис" и каков живот навистина води. "Во последното реалити со Никол Ричи навистина глумев, бев само лик. Ова ќе биде целосно друго. Камерите ме снимаат од раните утрински часови до одењето во кревет", најавува Парис, која живее пред камерите од октомври.

Старлетата објаснила дека води целосно исполнет живот и ги испробува сите можни авантури, бидејќи "само еднаш се живее". "Јас сум неуништлива, така да ќе го видите мојот скок со падобран, тоа е неверојатно чувство кое го доживеав. Има толку луди работи кои ќе бидат во шоуто. Понекогаш врескам на снимателската екипа кога ми ѕвонат на вратата прерано, а за некои разговори кои ги водев со дечкото неможам ни да поверува дека ќе ги објавам", вели Парис. Во шоуто кое се нарекува "The World According to Paris" ќе се појават и некои славни гости, а за сега старлетата снимила отприлика половина материјал.