Режисерот Стивен Спилберг и теливизиската водителка Опра Винфри се највлијателните личности во САД во листата, објавена синоќа од магазинот Форбс...

Подолу во листата се појавуваат и други ѕвезди на шоу бизнисот како пејачот Боно од ирската група Ју Ту и ветеранот комичар Бил Козби. Според анализата, доделена од страна на Форбс на компанијата за анкети E-Poll Research, авторот на делото "Листата на Шиндлер" и "Спасувајќи го војникот Рајан" е на првото место на листата од 10-те познати личности, во која се наоѓаат и ултраконзервативните коментатори Раш Лимбоф и Глен Бек.

"Можеби се изненадивте што Стивен Спилбер ја предводи нашата листа, откако неможе да се мери со Опра Винфри по продадени бестселери, ниту со Глен Бек со политичкото влијание, но со филмовите тој го радува целиот свет и светот навистина го почитува", објаснуваат од редакцијата на списанието.