Колумбиската пејачка Шакира и нејзиниот дечко Аргентинецот Антонио де ла Руа, одлучија да се разделат по 11 години во врска, соопштува шпанскиот дневен весник "Ел Паис"...

"Двојката одлучи да се раздели по 11-годишна врска" и наскоро ќе го потврди тоа, тврди весникот на својот интернет портал.

Антонио е син на поранешниот аргентински претседател Фернандо де ла Руа (1999-2001).

"Ел Паис" пишува дека проблемите кај двојката се појавиле во последниве неколку месеци, кои се зголемија во декември, кога името на Шакира беше цитирано во врска со фудбалерот од ФК Барселона Жерар Пике. Тогаш ѕвездата, која неколку месеци живее во Барселона негираше било каква поврзаност со фудбалерот. Според "Ел Паис", тој се јавува во видео клипот на песната "Waka Waka", која стана химна на Светското првенство 2010 во Јужна Африка.

"Оваа привремена разделба си ја претставуваме како период за индивидуално созревање, но ќе останеме пар во професионален план 'Де ла Руа е нејзин агент', објавија двајцата на официјалниот сајт на Шакира Shakira.com. Во текот на изминатите 11 години ние длабоко се сакавме, се грижевме еден за друг и бевме заедно. Тоа се најубавите години од нашиот живот за време на кои благодарение на љубовта и почитта, кои ги имавме еден кон друг, успеавме да бидеме пар и исклучителни пријатели", пишуваат двајцата во соопштението.

"Од месец август по заеднички договор живееме одделно", соопштуваат тие.

Антонио де ла Руа ќе продолжи да се грижи за мојата уметничка кариера. Остануваме партнери, ќе развиваме проекти заедно и ќе работиме рака под рака, пишува уште во соопштението.