Рускиот милијардер Роман Абрамович на 9-ти декември ја добил 163.5 метарската јахта Eclips, и сега сопственикот на англискиот фдбалски клуб Челзи може да се пофали дека ја поседува најголемата приватна јахта на светот...

Иако првично било проценето дека Eclipse ќе чини 485.000.000 долари, конечната цена на оваа мега јахта испадна 1.2 милијарди долари, а за тие пари Абрамович на својата "јахтичка" добил два хелиодроми, три помали јахти кои се скриени во трупот на јахтата-мајка, мини подморница која може да плови до 50 метри длабочина, два базени и 24 кабини за гости.

Јахтана има 70 членови на екипаж, а за безбедноста се грижи систем кој детектира непосакувани гости на јахтата и германски систем наменет за одбрана од проектил, а главниот апартман на Абрамович, како и командниот мост имаат стакла отпорни на куршуми, и се обложени со дебели челични плочи. А што се однесува за фотографирањето на јахтата и неговите гости, папараците ќе се разочарат, бидејќи Eclipse е опремена со посебен ласерски систем кој ги деактивира и оневозможува фотоапаратите и камерите.