Иако е во долгогодишна врска со Ванеса Паради со која има две деца, Џони Деп не е "совршен партнер" како што многумина мислат...

Тоа го тврди манекенката која работела со него на последниот дел од филмот "Пиратите од Карибите".

Манекенката Кристин Стивенсон (19), која во последниот филм за пиратите глумела сирена, изјавила дека холивудскиот актер ја "мувал" на снимањето.

"Тој се обиде да ме заведе. Секогаш ми кажуваше дека јас сум најубавата девојка која некогаш ја видел", рекла Кристин и додала дека ја следел дури и на пробата на костимите, за да може да си ги "освежи очите".

"Ме повикуваше во неговата приколка и бевме сами. Поминав неколку часа со него", рекла манекенката за магазинот Star, но деталите од неколку часовната посета несакала да ги открива.

"Во еден момент се пошегував и му реков дека со него во пакет го сакам и Орландо Блум, а тој ми одговори: 'Не душо, јас ништо не дела. Можеш да ме добиеш само мене'".

Кристин и понатаму тврди дека Деп продолжил да и се јавува и откако снимањето е завршено.