Холивудските ѕвезди Скарлет Јохансон и Рајан Рејнолдс се разделија по 2 години брак, објавија тие во соопштението...

26-годишната актерка Скарлет Јохансон, позната по улогите во филмовите "Изгубени во преводот"и "Вики Кристина Барселона", пред медиумите изјави дека животот ги разделил поради различните програми за снимање.

"По долго и внимателно размислување од двете страни, одлучивме да го прекинеме бракот", соопштува ѕвездената двојка.

"Започнавме со љубов и завршивме со љубов и симпатии. Дискреција не се очекува, но ќе биде оценета".

Според списанието "PEOPLE", двајцата се разделиле тивко пред половина година по иницијатива на Јохансон. "Актерката почна да си бара стан во Њујорк и во моментов е со пријателки во Јамајка", пишува списанието.

34-годишниот Рејнолдс беше определен од PEOPLE за "Најсекси маж" пред две недели.