Американската старлета се омажила за долгогодишниот дечко Џоел Маден од групата Good Charlotte...

Никол Ричи и Џоел Маден се венчаа минатиот викенд во вилата на нејзиниот посвоител и славен пејач Лајонел Ричи. На забавата присуствувале семејствата, како и Ди Џеј Саманта Ронсон, Гвин Стефани, Гевин Роџеј, Ешли Симпсон и други.

Таа носела венчаница од 20.000 долари, а гостите ги забавувал дресиран слон, пишува "People".

Парот е во врска веќе четири година, и имаа двегодишна ќерка Харлоу и 15 месечен син Спероу.

Ричи е позната како најдобра пријателка на Парис Хилтон, со која учествувала во супер популарното реалити шоу "Едноставен живот". Никол од тогаш објавила неколку книги и лансирала своја модна колекција. Заедно со Маден основала и хуманитарна фондација за помош на сиромашните деца.