Британската актерка и австралискиот играч на крикет завладеале во таблоидите на самиот крај на годината...

Откако светските медиуми наголемо се распишаа за вонбрачната афера на Елизабет Харли со играчот на крикет Шејн Варни, актерката на Твитер напишала дека се развела од својот сопруг, и тоа пред неколку месеци.

Наводно таа поминала неколку дена со него во еден лондонски хотел, каде Шејн бил сместен за време на својот престој во Британија. Елизабет очигледно се уморила од криење и муабети па одличила се да разјасни преку Твитер. "Денес не ми е толку добар ден. Колку да знаете, мојот сопруг и јас се разведовме пред неколку месеци. Најблиските членови на нашата фамилија и пријателите знаеја за тоа", напишала актерката, што многумина биле изненадени, бидејќи таа и Арун сеуште се појавуваат во јавноста.

Елизабет со индискиот бизнисмен Арун Најар била во брак три години, а многупати се шпекулирало дека парот има проблеми во бракот и дека се разведуваат, што тоа таа секогаш го демантирала. Нејзиниот нов дечко, 41 годишниот играч на крикет, сеуште живее со својата поранешна сопруга со која има 3 деца.