Пејачката Бијонсе Ноулс на својот сопруг Џеј Зи му го купи најбрзиот автомобил во светот - Бугати Вејрон Гранд Спорт за 1.3 милиони фунти за неговиот роденден на 4-ти декември...

Раперот, кој веќе поседува голема колекција автомобили, бил возбуден од изненадувањето. Бијонсе го нарачала возилото пред една година. "Џеј Зи ја има една од најголемите збирки на автомобили во светот, но дури и за него Бугати е нешто посебно", соопштил близок извор до парот.

Џеј Зи веќе е сопственик на Мајбах 62S, Ферари F430 Спајдер и Пагани Зонда Роудстер. Но Бугати со сигурност е највпечатливата придобивка со максимална брзина од 225 милји на час.

Бијонсе и Џеј Зи беа прогласени за најбогата двојка во шоубизнисот минатата година со 68 милиони фунти помеѓу јуни 2008 и јуни 2009 година.