Анџелина Џоли доби големо неофицијално признание во Камбоџа, татковината на нејзиниот посвоен син Мадокс, откако светски хинду храм беше именуван на нејзино име...

Претседателот на универзалното здружение за хиндуизам Раџа Зед за сајтот Wenn изјави, дека актерката е толку сакана во Камбоџа така што било донесено одлука еден верски храм во градот Ангорк да биде преименуван во храм на Анџелина Џоли.

"Храмот од 12-тиот век се нарекувал Та Прохм, познат е и како Стариот Брахма, а првично бил наречен Раџавихара или кралски манастир. Сегашното име е храмот на Анџелина Џоли. Се смета дека голем број сцени од првиот дел на "Tomb Raider" биле снимени тука ", додал Зед.

Сепак, тој прецизирал дека неофицијалното преименување на храмот носи и голема одговорност и претпоставува дека актерката ќе помага во одржувањето на античкиот храм.

"Би ја повикал Анџелина да работи за подобро зачувување на тоа светско наследтво, бидејќи треба да се направи повеќе за одржувањето на комплексот и неговата околина, да се зачува од вандализам и грабежи", дополнил Зед.