На првото рочиште, судот му наложил дека на својата сопруга Оксана треба да и плати 60.000 долари за алиментација, што не ја плаќал во изминатиот период...

Мел Гибсон за прв пат се појавил на судското рочиште по повод одлуката за старателството над едногодишната ќерка Луси.

Му било наложено да плати 60.000 долари, инаку ќе го сноси законските последици.

Оксана, покрај старателството над ќерката бара и повеќе милионска отштета за физичко и ментално малтретирање. Доколку нејзините наводи се покажат вистинити, Гибсон не само што ќе го изгуби старателството над ќерката и огромна сум на пари, туку би можел да заврши и во затвор.

Наредното сослушување е закажано за 22 ноември, кога би требало да биде донесена одлуката за старателството.