Иако ниту самата сеуште не е здрава, Линдзи сака да им помага на другите зависници...

Мајката на американската актерка Линдзи Лохан вели дека нејзината ќерка наскоро ќе отвори свој центар за рехабилитација. Гостувајќи во една телевизиска емисија, Дина Лохан рекла дека центарот за рехабилитација кој го посетувала нејзината ќерка, и го променил животот.

"Линдзи сака да отвори сопствен Центар, за да им помага на децата кои имаат проблеми со зависноста", рекла Дина додавајќи дека во целост ја поддржува својата Линдзи, пренесуваат американските медиуми. Проблематичната американска актерка која завршила во затвор поради конзумирање на алкохол и дрога, неодамна објавила дека нема доволно пари да ја плати рехабилитацијата.

Но, изгледа не е во толку тешка финансиска ситуација како што пишува, бидејќи планира да основа сопствен центар. Инаку, актерката на рехабилитацијата ќе остане до 3-ти јануари 2011 година, а месец дена поминати во таа клиника ќе чини 26 илјади долари.