Холивудската ѕвезда Ева Лонгорија Паркер смени 10 фустани за време на годишните музички награди на MTV за Европа...
Актерката од "Очајни домаќинки", која има сопствена линија парфеми, пристигна на настанот во шпанската престолнина Мадрид облечена во гламурозен фустан од George Hobeika.
Малку подоцна, Лонгорија го покажа своето чувство за хумор, откако се појави пред камерите облечена во костум од шунка, кој потсетува на познатиот фустан од месо на Лејди Гага. Со секој нов фустан Ева ја менуваше и фризурата.
"Благодарам, Мадрид! Ја сакам Шпанија! Си поминав одлично!", Напишала Ева Лонгорија на страницата во Twitter.
