Еден од најшокантните настани оваа година, кога 33 чилеански рудари цели 69 дена останале заробени во разрушениот рудник, било инспирација за многумина тоа да го пренесат на филмското платно...
Како што пишуваат американските медиуми, за снимањето на филмот за рударите особено се заинтересирани Анџелина Џоли, Мадона и Стивен Спилберг.
Иако Мадона не се прославила со своите режисерски вештини, таа сеуште не знае какви ќе бидат коментарите на режисерскиот првенец Анџелина Џоли која во моментов е на снимање во Унгарија.
"И двете се многу страсни жени кои ќе направат сè за да напредуваат во филмскиот свет. Целата приказна ги допре луѓето ширум светот, и се шпекулира дека тој филм може да биде полн погодок. Борбата околу режисерската палка ќе биде многу напната", рекол неименуваниот извор за The Daily Star.
