Еден Њујоршки месар направил своја верзија на фустанот на Лејди Гага, а неговата цена е "вистинска ситница" - 100.000 долари...

Фустанот од месо, е сличен на оној кој Лејди Гага го носеше на МТВ наградите, и станал дел од постојаната понуда во Њујоршката месара "Old Homestead Steakhouse".

"Овој фустан е направен од најдоброто месо, за разлика од месото на фустанот на Гага, кој беше направен од најефтиното. Цената е превисока ако се зема во предвид квалитетот и квантитетот на месото, кое ќе биде доволно за шест месеци, ако се чува во замрзнувач", вели месарот Марк Шери.

Тој додал дека сеуште немал ниту една продажба, но сигурно некој ќе се "охрабри", бидејќи тоа е "фустан од живо месо", кој на интернет е најбараниот костим за претстојната "Ноќ на вештерки".