"Легализирајте ја марихуаната во Калифорнија"...

Во Калифорнија на 2-ри ноември ќе се одлучува околу предлогот за новиот закон, таканаречениот "предлог 19" со кој се предлага да се легализира употребата на марихуаната, а последните неколку дена, Снуп Дог во своите медиумски гостувања истакнува дека го поддржува тој закон, и смета дека тој предлог треба да се зема во предвид.

Дури и познатиот калифорниски бизнисмен и мултимилијардер Џорџ Сорос донирал милион долари за кампања околу легализацијата на марихуаната.

Иако не е никаква тајна дека Снуп Дог сака да "смота џоинт", многу познати исто така го поттикнуваат законот.

"Разгледување на предлогот 19 е начин на кој можеме да контролираме, па така да ја легализираме и декриминализираме марихуаната.

Така нашата полиција би можела да ја работи својата работа и да ја направи нашата заедница посигурна", изјавил Дани Гловер.

Синот на починатиот реге пејач Боб Марли, Зиги Марли изјавил дека тоа е добра работа, а кантри легендата Вили Нелсон вели дека бо го поддржал тој предлог низ сите држави во Америка, не само во Калифорнија.