Мајкл Џексон е најбогатиот покојник во светот, според списанието Форбс со 275 милиони долари...

За последната година, иако е мртов, Кралот на поп музиката направил профит од 275 милиони долари, од авторски права, концертот This Is It и шоуто Cirque du Soleil. Милионите, се разбира ќе ги добијат, наследниците на Џеко.

Втор на листата на Forbes е Елвис Присли, кој за 2010 "заработил" 60 милиони долари, а трети писателот Џон Толкин, авторот на "Господар на прстените" и "Хобит", кој им обезбедил на наследниците приходи од 50 милиони долари, главно од филмските права.

Четврти по богатство, покојник е Чарлс Шулц, авторот на Снупи со 33 милиони долари, а првата петорка се дополнува со Џон Ленон со 17 милиони долари.

Меѓу другите во списокот на Форбс се и Алберт Ајнштајн, Џими Хендрикс и Стив МекКвин.

Авторот на Теоријата на релативитет на наследниците им донесе приходи со висина од 10 милиони долари, а црниот бог на гитарата и легендарениот актер по 6 милиони.