Сопствениците на складиштето во унгарската престолнина Будимпешта велат дека, локален чувар ја измамил на холивудската актерка, откако нелегално и го дал под наем складиштето за снимање на нејзинот нов филм...

Еден од сопствениците на складиштето рекол дека, чуварот добил 2000 евра и го издал складиштето под наем на Џоли, без претходно да го информира него или неговиот партнер.

"Мојот партнер ме праша дали знам за снимањето на филмот во нашата зграда", рекол сопственикот и посакал името да му остане во тајност.

"И тогаш ми рече: Никогаш нема да се сетиш. Станува збор за Анџелина Џоли!. Чуварот помислил дека никогаш нема да разбереме за измамата, бидејќи ретко одиме до таа зграда", додал сопственикот.

Џоли во моментов го режира својот прв филм и дел од снимките се во Будимпешта. Неименуваниот проект е љубовна приказна. Дејството се развива во Босна за време на војната од 1992 до 1995 година. Џоли избрала дел од снимките да ги направи во Будимпешта откако се сретнала со потешкотии за дозвола за снимање во Сараево. За периодот на снимањето кои ќе продолжи две недели, Џоли изнајмила имот во Будимпешта, каде што живее со својот сопруг Бред Пит и четири од нивните деца.