Џенифер Лопез ќе учествува во новата рекламна кампања на Гучи заедно со нејзините двегодишни близначиња...

Пејачката и актерка и малите Макс и Еми ќе бидат лицата на новата линија, облека за децата од италијанската модна куќа. Фотографиите биле направени во јули од фотографите Мерт Алас и Маркус Пиџот.

Модниот сајт WWD соопштува дека, Џенифер и нејзините деца носат облека и модни додатоци од Гучи, меѓу кои и очила за сонце, додека играат на плажа.

Во рамките на кампањата Гучи ќе донираат за УНИЦЕФ и Фондацијата Мариб, создадена од Лопез и нејзината сестра Линда.

Пред извесно време Џенифер, која е во брак со пејачот Марк Ентони, рече дека сака да го задржи личниот живот подалеку од медиумите, бидејќи знае дека, прекумерното внимание може да има лоши последици.