Модното дуо Доменико Долче и Стефано Габана биле под истрга од италијанските даночни служби поради неплатени даноци во износ од 840 милиони евра...

Инспекторите ја затвориле 3-годишната истрага на Dolce&Gabbana, и за сега сеуште не е покренета никаква тужба.

Сомнежите се дека дизајнерското дуо основале компанија во Луксембург во 2004 и 2005 година, која била задолжена за контрола на сите брендови на групацијата Dolce&Gabbana.

Се претпоставува дека на овој начин сакале да ја избегнат таксата во Италија, но наводно се покажало дека компанијата Gado е водена од Италија.

Тоа би значело дека славните дизајнери, меѓу чии клиенти се Викторија Бекам, Мадона и Кејт Мос, прикриле околу 840 милиони евра данок, што е за компанија од 3000 вработени многу голема сума.

Истрагата против модното дуо е големата италијанска акција против даночните измами, која е покрената за да се зголемат државните приходи.