Британскиот супермодел Наоми Кембел стана последователка на Кабала и се надева дека тоа ќе и помогне да го балансира својот темперамент...
Во последните години Кембел често си навлекуваше проблеми поради нејзиното однесување. Во 2008 година беше казнета со 200 часа општествен труд, откако удри двајца полицајци на лондонскиот аеродром Хитроу, а кога во 1998 ја нападна својата поранешна домашна помошничка, требаше да се запише на курс за справување со лутината. Претходно оваа година манекенката беше обвинета дека, го удрила со шлаканица на нејзиниот возач, иако подоцна тој ја повлече жалбата и одби да покрене обвинение против неа.
Наоми тврди дека во последно време, е доста смирена и смета дека причина за тоа е мистичното еврејско учење. Таа признава дека интересот кон него датира уште од 2000 година, но дури во последно време почнала активно да го практикува.
"Човек може да се промени себе си и енергијата што ја поседува во себе. Јас учам Кабала, бидејќи таа ме води на позитивно, мирно место. Ја користам токму затоа и таа ми помага многу. Се интересирав за Кабала уште од 2000 година, но дури сега почнав да гледам на неа посериозно. Започнав да ја практикувам. Не знам дали правам се правилно, но ја практикувам", изјавила Кембел за списанието "Interview".
