Американската пејачка Кети Пери, си забранила да води љубов, се додека не стапи официјално во брак со својот вереник Расел Бренд...

Кети Пери, која ќе се омажи за британскиот комичар оваа недела, изјавила пред него, дека и двајцата треба да се воздржат од интимни односи, се додека официјално не станат маж и жена.

"Кети сака, се да биде посебно на нејзината свадба, вклучувајќи ја и првата брачна ноќ. Забраната за секс е дефинитивно нејзина идеја", изјавил извор за весникот "Sunday Mirror".

Расел е добро познат по заведувањето на убави жени пред да се сретне со Кети. Претходно изјавувал дека таа му го превртела животот. Сепак, 35-годишниот актер се согласил со одлуката на Кети.

"Расел неволно се согласи, но и двајцата се сигурни дека одлуката ќе вреди, по официјалното стапување во брак", изјавил истиот извор.

Двојката беше во Лондон во саботата, поради учеството на Кети во шоуто за таленти "The X Factor".

Сега тие ќе отпатуваат во Индија, за да се подготват за големиот ден.