Американската пејачка Кристина Агилера и нејзиниот сопруг Џордан Братман, решиле да се разделат по 5 годишниот брак, пишува People.com.

"Да, тие се разделуваат. Тие ќе решат како ќе го направат тоа. Во моментов постапката за развод се уште не е почната", соопштил близок извор за списанието People.

Пејачката и нејзиниот сопруг имаат едно дете, Макс, роден во Лос Анџелес во јануари 2008.

Тие не се разделуваат со лоши чувства и планираат да го одгледаат детето цивилизирано, уверува списанието.

29 годишната Кристина Агилера и 33 годишниот продуцент, Џордан Братман, се венчаа во ноември 2005. Тогаш пејачката уверуваше дека "живее во сон".

Носителката на награди "Греми" и "Латино Греми", Кристина Агилера стана позната со хитовите како "Dirty" и "Beautiful", како и со песните во различните филмови ("Mulan", "Moulin Rouge").

Заедно со Шер таа учествува во "Бурлеска", музичка комедија, која треба да излезе на големиот екран во САД во ноември.