Многумина погодуваат дека постои некаков договор помеѓу Лејди Гага и разните модни брендови кои се заслужни за нејзиниот екстравагатнен изглед...

Посебно тоа се однесува за дизајнерот Џорџо Армани чии креации ги носеше во спотот за песната "Алехандро" на Американскиот идол, доделувањето на Греми наградите и на MTV Video Music Awards.

Wall Street Journal дознава дека Армани и Лејди Гага договориле партнерство вредно неколку милиони долари. Деталите од договорот не се познати, ниту колку точно вреди, но и двете страни истакнуваат дека се презадоволни од досегашната соработка.

"Голема компанија како Џорџо Армани секогаш е должна да ги следи трендовите и да знае што ги интересира младите луѓе. Партнерството помогна светот да ја прифати Лејди Гага, на начин кога таа ги користи Фејсбук и твитер", изјавила внуката на Армани, Роберта Армани, која е задолжена за односи со VIP клиентите во компанијата, вклучувајќи ја и Лејди Гага.

Роберта тврди дека пејачката и помогнала на модната компанија да свати како младите размислуваат. Џорџо ги дизајнира сите креации на Гага, од појавувањето на Греми наградите до турнејата "Monster's Ball".