Контроверзната пејачка е разочарана што американската влада дозволила Сенатот да го одобри амандманот на законот кој ги дискриминира геј личностите во американската војска...
Лејди Гага на својот сајт напишала дека е многу разочарана од американската влада и Сенатот, бидејќи не го укинале законот од 1993 година и неговата политика познат како "не прашувај, не зборувај", кој од хомосексуалците, практично, бара да ја прикријат својата сексуална ориентација.
"Нема да се откажам. Страстен борец сум за LGBT популацијата, и ќе ги охрабрам повеќе млади луѓе да бидат вклучени во политиката и да ја создадат својата иднина", напишала Лејди Гага.
Пејачката ја критикувала и забраната за пренос на дебатата од американскиот Сенат.
