Шпанскиот актер Хавиер Бардем е уверен дека неговите денови се одбројани...

Познатиот хипохондрик, всушност, убеден е дека умира. "Додека бев млад, бев вистински хипохондрик. Сега сум навистина болен", рекол сопругот на 36-годишната убавица Пенелопе Круз, со која го чека првото дете.

Покрај тоа што е сигурен дека е тешко болен, нему не му е јасно зошто тој мора почесто да биде на насловните страни, отколку докторите кои спасуваат животи. "Тие се луѓе за кои би требало да се пишува. Докторите би требало да бидат на насловните страни на магазините, тие спасуваат луѓе, а јас само снимам филмови", рекол скромниот Бардем и додал: "Светот е чудно место, понекогаш нема многу смисла".