Имотот е поделен на половина, а пејачката го добила старателството над нивните кучиња...

Англиската пејачка Шерил Кол (27) и нејзиниот сега веќе поранешен сопруг, фудбалерот Ешли Кол (29), официјално беа разведени во судот во ЛОндон.

Пејачката и фудбалерот се верија во 2005 година, а се венчале една година покасно. Проблемите започнале уште на крајот од минатата година, кога Шерил започнала да се сомнева дека нејзиниот сопруг ја изневерува.

Фудбалерот од почетокот негирал, но сепак во февруари оваа година и признал дека повеќе пати бил неверен.

Пејачката после само неколку дена поднела барање за развод, како причина наведувајќи го  "неразумнoто однесување" на Ешли Кол.

Според британските медиуми, парот се договорил да го поделат имотот вреден 20 милиони фунти, како и Шерил да го добие старателството на нивните две кучиња.