Сопственичка на еден салон за убавина во Беверли Хилс била уапсена во средата под обвинение дека ги крадела податоците од кредитните картички на актерките Џенифер Анистон, Хали Бери, Ана Хетевеј и Лив Тејлор, извршувајќи десетици илјади исплати со нивни пари...
Според судската документација, "жртви" на измамата во салонот "Chez Gabriela Studio" биле и Шер, Мелани Грифит и поранешната тв-ѕвезда од серијата "Фелисити", Скот Спидмен.
Сопственичката на салонот Марија Габриела Перез (51) е обвинета дека во период од 5 месеци, од сметката на Лив Тејлор повлекла 214.000 долари, а за време од 1 година од сметката на своите останати клиентки излекла уште најмалку 280.000 долари.
Доколку се докаже дека Перез е виновна, таа би можела да добие максимална казна затвор во траење од 25 години. Таа била уапсена во средата во својот салон.
