Богатата хотелска наследничка Парис Хилтон, чиј прадедо е основач на синџирот Hilton Hotels, рекла дека е подготвена да тргне по стапките на семејството, бидејќи смета дека има потреба од нов предизвик на професионален план, пишува Askmen.com.

Парис Хилтон е позната како риалити ѕвезда, пејачка, модел има свои парфеми и линија облека, а се занимава и со актерство.

"Сум правела скоро се, што може да направи еден човек, но мој следен проект е да се занимавам со недвижни имоти", рекла богатата наследничка, цитирана од FOXNews.com.

"Во моментов, откако сум постигнала се што сум сакала да направам, тоа дефинитивно ќе биде мојот следен чекор, да отворам мои сопствени хотели", дополнила Парис.

Освен тоа што таа може да се обрати за совет во врска со бизнисот кај своето семејство, убавата блондинка може да се консултира и со нејзиното ново момче. Парис имаше неколку романтични средби со сопственикот на ноќен клуб во Лас Вегас.