Џеј Зи ја предводи листата на списанието "Фoрбс" на најбогати рапери во 2010 година со над два пати поголеми приходи од вториот Шон Диди...
Џеј Зи, чие вистинско име е Шон Картер заработил 63 милиони долари помеѓу јуни 2009 година и јуни 2010 година. Диди е на второто место со 30 милиони долари, потоа следува раперот од сенегалско-американско потекло Ејкон со 21 милион долари.
Иако излезе од затвор за поседување на оружје во март во родниот Њу Орлеанс, раперот Лил Вејн е на четвртото место со 20 милиони долари, следи Калифорниската рап икона д-р Дре со 17 милиони долари. Речиси сите изведувачи од првиот на листата имаат заедничка стратегија - разновидноста.
Најбогатите рапери се заработиле од рекламирање на алкохол, сопствени модни линии, ноќни клубови и улоги во филмови како дополнување на приходите од концертите и продажбата на албуми.
Џеј Зи е сопственик на синџирот ноќни клубови 40/40, Диди е рекламно лице на водката "Ciroc" и учествувал во филмот "Get Him to the Greek".
Д-р Дре и Лил Вејн имаат музички куќи, Ејкон учествуваше во рекламната кампања на Pepsi World Cup. Вистинските пари не се во продажба на албуми, објаснува авторот на листата на "Форбс" Зак О'Мали.
"Еминем е на 14-то место, иако продал повеќе албуми од било кој друг изведувач од 2000 година, тој добил само 8 милиони долари, а новиот албум "Recovery" беше продаден во 741 000 копии во првата недела од излегувањето", рекол Зак.
