Речиси во целост го уништил автомобилот, но поминал без повреди...

54-годишниот Мел Гибсон во Малибу, во досега непознати причини, изгубил контрола на возилото, излетал од патот и удрил во оградата од камен.

Портпаролот на актерот рекол дека Мел се чувствува добро и дека не е повреден.

"Од непознати причини, Гибсон го свртел воланот кон десната страна и удрил во ѕидот од камен. Тестот за алкохол покажал дека тој не бил пијан", соопштила локалната полиција.

Полицаецот Леланд Тенг рекол дека актерот изјавил дека не се сеќавал што точно се случило.

"Ни рече дека не зборувал по телефон, а на прашањето да не можеби заспал, не дал конкретен одговор", рекол Тенг за порталот TMZ.

Мел Гибсон е под истрага поради семејно насилство, бидејќи физички ја нападнал Оксана Григориева, додека ја држала нивната седуммесечна ќерка во рацете.