Младоженците Роби Вилијамс и Аида Филд се подготвуваат да ја одбележат неодамнешната свадба со втора прослава во Турција, објавија британските медиуми.

Британската поп ѕвезда се ожени за американската актерка на интимната церемонија која се одржа во неговиот имот во Беверли Хилс и таа беше проследена од забава со нивните пријатели и семејствата.

Сега Роби подготвува нова прослава во Истанбул, каде што живее таткото на Аида.

"Аида сака повторно да ја види баба си Сахабат. Таа има 92 години и би сакала да танцува на нејзината свадба", сподели таткото на актерката Халдун Евичан за британскиот весник "Дејли Мирор".

Евичан се преселил да живее во Турција по разделбата со мајката на Филд, Гвен во 1982 година и признава дека не одржувал контакти со својата ќерка, додека не се слушнале утрото пред свадбата со Вилијамс.

"И се извинив за тоа што не бев до неа, додека таа растеше и за тоа што не и дадов многу, а таа ми одговори: 'Татко, ти ми го подари најубавиот подарок: Живот'", рекол таткото на Аида.