Шакира е една од оние ѕвезди која не ги полни жолтите рубрики на најразличните медиуми со авантури и скандали...

Но по прв пат се шушка за авантура, и тоа со шпанскиот фудбалер Жерард Пиќе. Колумбиската пејачка Шакира веќе осум години е во врска со Антонио де ла Руо, син на поранешниот аргентински претседател. Без скандал во својата медиумска биографија, гордата пејачка била ориентирана исклучиво на музичката кариера.

Но најновите озборувања се занимаваат со неа и зборуваат дека е во врска со шпанскиот фудбалер Жерард Пиќе. Сликите од Ибица ја покажуваат Шакира во опуштен фустан како излегува од хотелот, само неколку моменти откако Жерард кој е зад неа и кој повикува такси. Нема сомневање дека пејачката и фудбалерот се запознале на неодмнешното светско првенство во фудбал, чија химна Waka Waka ја испеала Шакира, а титулата на светски првак ја освои шпанскиот тим.