Таа итно била пренесена во болница...

Синоќешниот концерт на Пинк во Нимберг во Германија бил изненадно прекинат поради тоа што пејачката на изведбата на нејзината најнова песна "So What" ненадејно паднала на барикадите пред публиката. Пинк всушност изведувала една од своите многубројни акробации, но не била добро прицврстена на сигурносниот ремен и едноставно наместо над публиката, таа паднала на земја. По некое време Пинк се качила повторно на сцената, но концертот морала да го прекине. За среќа падот не бил фатален, па Пинк уште во возилото за итна помош испратила извинување преку Твитер до сите најзини фанови, кои останале во шок.

"До сите мои фанови од Нимберг - Многу ми е жал што шоуто така заврши. Многу ми е неугодно и многу ми е жал. Сега сум во возилото за итна помош, но ќе бидам добро. Одам на рентгенско снимање. Се надевам дека барем изгледаше кул".