Фудбалерот Дејвид Бекам откри дека, тој и неговата сопруга Викторија, со која има три синови, отсекогаш сакале да имаат уште едно дете.

Двојката, која има три сина, 11 годишниот Бруклин, 7 годишниот Ромео и 5 годишниот Круз, не ја кријат желбата, дека сакаат да го прошират своето семејство со уште еден член, а фудбалерот вели дека и двајцата би биле среќни ако се случи тоа.

"Ние секогаш се обидуваме. Ако имаме доволно среќа да имаме повеќе, тоа би било неверојатно", рекол фудбалерот.

35-годишниот спортист откри и дека сé уште го користи прекарот, кој неговата сопруга го добила кога беше дел од групата Spice Girls.

"Таа во мојот телефон е запишана како Пош. Секогаш ќе остане Пош!", рекол Бекам во британското телевизиско шоу на Џонатан Рос.