Шпанските актери Пенелопе Круз и Хавиер Бардем се венчале на почетокот на јули на Бахамите...

Оваа вест беше потврдена од претставничка за медиумите, Аманда Силверман, која во електронската порака навела дека венчавката на Пенелопе Круз (36) и Хавиер Бардем (41), била во домот на еден пријател на која присуствувале само неколку членови на семејството.

Невестинскиот фустан го креирал нивниот долгогодишен пријател, еден од највлијателните светски модни дизајнери - Џон Галијано. Единствениот филм во кој новопечениот брачен пар играл заедно е романтичната комедија "Љубов во Барселона" од 2008 година за кој Пенелопе добила оскара за епизодна улога.

Бардем исто така освоил оскар за епизодна улога во трилерот "Нема земја за старци" од 2007 година.