Пејачката Шакира, која ќе биде ѕвездата на затворањето на Светското Првенство утре во Јоханесбург, рече дека е обожавателка на Шпанија и на ѕвезда на тимот, напаѓачот Давид Виља.

"Јас имам латиноамериканско потекло, така што ќе навивам за Шпанија", рекла пејачката, која е родена во Колумбија, но има шпански предци во семејството.

На прашањето "кои се вашите омилени фудбалери?", Шакира одговорила дека ги сака напаѓачите и ги споменала имињата на Виља и Лионел Меси.

"Станав обожавателка на фудбалот, зборувам за фудбал секој ден, порано никогаш ги немав отворено спортските страници на весниците", признава Шакира.

Ѕвездата предизвика силна возбуда при заминувањето од салата за прес конференции на стадионот "Сокер Сити" во Јоханесбург, кога многу новинари се нафрлија околу неа за да ја снимаат со своите мобилни телефони.