Холандскиот мајстор за миксови, DJ Tiesto ги негираше гласините дека загинал во автомобилска несреќа.

На почетокот на оваа недела, неколку профили во социјалната мрежа Twitter, започнаа да шират информации дека диџејот загинал во страшна несреќа во Калифорнија. Ден потоа, Tiesto напиша на својата страница во Twitter дека гласините се лажни и дека тој е жив и здрав.

"Жив сум. Убаво е да се слушне дека толку многу луѓе се загрижени за мојот живот. Ви благодарам за поддршката. Се чувствувам прекрасно, бидејќи сум жив и имам толку многу обожаватели", напиша холанѓанецот во Twitter.

Во последниве месеци онлајн мајтапчиите во САД проширија ред лажни приказни за смртта на неколку американски ѕвезди како Бритни Спирс, Том Круз, Џеф Голдблум и Кени Вест.