Ветеранот во ТВ новинарството Лари Кинг, рекол дека ќе стави крај на ноќното шоу "Larry King Live" кое се емитува на CNN, оваа есен по 25 години на малите екрани.

76-годишниот Кинг во соопштението рекол дека ќе води специјални емисии на CNN за специјални прилики, но сака да поминува повеќе време со неговата сопруга и со малите деца. Познат по неконфронтирачкиот стил, во повеќе од 40 000 интервјуа Кинг разговарал со широк круг на гости, од холивудски ѕвезди до политичари и спортисти.

"Со затворањето на оваа страница гледам напред кон иднината и она што ќе ми го донесе следното поглавје, но сега е време да престанам со ноќното шоу", рекол Кинг во шоуто на публиката во вторникот вечерта.

"Larry King Live" неодамна влезе во Гинисовата книга на рекорди како шоу кое траело најдолг временски период со еден водител.

Лари Кинг и неговата седма сопруга Шон Сутвик се откажаа од намерите за равод во мај и сега пак се заедно.