Во големото интервју-исповед за списанието "Vanity Fair" Анџелина Џоли зборува за себе, a особено за врската со Бред Пит.

"Не сум бремена. Двајцата со Бред не сме против оваа идеја, но сакаме да бидеме сигурни, дека ќе можеме да го дадеме потребно време на сите деца. Тие веќе пораснаа, можат да си играат заедно, но ќе имаат потреба од повеќе разговори вечерва, какви што јас сум имала со својата мајка", споделила Анџелина.

"Сакаме да бидеме сигурни, дека семејството нема да стане премногу големо, за да можеме да одделуваме доволно време за воспитувањето на сите деца", додала актерката.

Што се однесува до свадба Анџелина уверува дека двајцата со Бред сеуште немаат такви планови. И покрај тоа што не ја исклучуваат можноста да стапат во брак, за нив најголем доказ за љубовта остануваат децата.

Во врска со невообичаените промени во изгледот на Бред, кој од неодамна се носи со мрсна коса и бушава брада, Џоли одговорила: "Го сакам Бред, не е важно како изгледа".