Актерката Ема Ватсон ги потврди гласините дека има врска со моделот и музичар Џорџ Крег.

Таа откри дека станале блиски за време на снимањето на рекламната кампања за Burberry годинава.

Британската актерка Ема Ватсон, ги засили гласините дека има врска со Крег, откако двајцата беа претходно забележани заедно во Лондон  овој месец.

Гласините се зајакнаа уште повеќе откако Ватсон беше во друштво на Крег, фронтмен на рок групата "One Night Only", на британскиот музички фестивал "Glastonbury" минатата недела.

20-годишната актерка изјавила, дека двајцата со Крег се спријателиле за време на фотосесијата за Burberry.

"А кога бев во САД, Џорџ ми покажа голем дел од музиката која ја прави, додека ја снимаше. Не можев да поверувам колку беше убава. Јас сум голем обожавател на групата. Сé што прави тој, е неверојатно", додала Ема.