Пејачката и актерка Џенифер Лопез ги негираше гласините за наводна бременост, кои пред неколку дена излегоа во американскиот и мексиканскиот печат.

Пред списанието "People" Џеј Ло ja негираше веста дека двајцата со нејзиниот сопруг Марк Ентони го очекуваат третото дете. Според зборовите на ѕвездата оваа информација е сосема погрешна.

Гласините дека таа повторно ќе станува мајка, излегоа во печатот, откако Џенифер се појави во јавноста  облечена во широки алишта, кои го прекриваа нејзиното раскошно тело.

Покрај тоа, медиумите се повикуваат и на друг извор близок до пејачката, според кого Лопез лично му кажала дека чека дете.