Ози Озборн започнува нова необична кариера...
Пејачот ќе стане советник за здравствени проблеми на британскиот Sunday Times и своите искуства и совети ќе ги дели во константна колумна на овој весник. Новопечениот експерт за здравствените проблеми признава дека и сам бил изненаден кога слушнал каква работа му се нуди. "Кога луѓето од весникот ме прашаат дали сакам да ја работам оваа работа, помислив дека се шегуваат со мене.
Да бидам искрен, мислев дека ме зафркаваат и дека се обидуваат да ме исмеат. Но тогаш малку размислив за тоа и сватив дека нивната понуда има смисла. Во текот на својот живот видов и запознав илјадници лекари и на нив потрошив повеќе од милион фунти, така да понекогаш ми се чини дека за лекувањето знам повеќе од нив самите", рекол музичарот.
