Поп ѕвездата Селин Дион е бремена со близнаци, откако неколку месеци се обидиувала да забремени со Ин Витро оплодувањето.

42-годишната пејачка се обидувала да забремени по вторпат со нејзиниот менаџер и сопруг Рене Анжелил.

Во февруари, Селин Дион призна дека не се чувствува добро, откако претрпе неколку неуспешни обиди за вештачко забременување, таа исто признала дека често е во солзи поради проблемите поврзани со нејзината бременост. Но во моментов среќното семејство има двојна причина да прославува, Дион очекува близнаци по шестиот обид за забременување преку Ин Витро оплодувањето.

"Многу сме возбудени. Селин се надева на нормална бременост. Таа се надеваше на едно дете, а веста дека ќе имаме две деца е вистински благослов!", рече Анжелил пред People.com.

Дион се наоѓа во 14-та недела од бременоста и се очекува да го открие полот на децата во јуни.