Американската актерка Линзи Лохан, која е блокирана во Франција, откако и беше украден пасошот и немаше начин за да се појави пред судот во САД, судијата од Лос Анџелес издал наредба за нејзино апсење.

23-годишната актерка требаше да се појави денес пред судијата од Лос Анџелес, Марша Ревел, за да даде објаснување во врска со условната казна која и е изречена поради возење во пијана состојба. Сепак, таа учествуваше на Канскиот филмски фестивал каде и беше украден пасошот од хотелската соба, според нејзините сопствени сведоштва пред локалната полиција.

Актерката се обиде да се качи на авион од Ница, но не и беше дозволено бидејќи нема пасош.

Американската амбасада во Париз ја започнала процедурата за издавање на нов пасош, но судиката Марша Ревел рекла дека кражбата на пасошот не е доволно оправдување за да не се појави во судот.

"Таа требаше или да не оди во Кан, или да се врати два дена порано", рекла судиката Марша Ревел.