Пејачката Ејми Вајнхаус целиот викенд не престанувала да пие алкохол, поради што повторно завршила во болница...

Последните недели неколку пати барала лекарска грижа, па така и минатиот викенд кога пијана паднала во својот дом во Лондон. Ејми моментално се наоѓа во лондонска приватна клиника во која персоналот многу добро ја познава. "Очигледно и се допаѓа во клиниката, бидејќи била среќна што таму ќе помине неколку дена. Таа поминува повеќе време во болница, отколку каде било на друго место", изјавил извор близок на пејачката.

Ејми била примена во болницата и на почетокот на април кога лекарите направиле детални претраги, бидејќи се пожалила на болки во градите, што се поврзува со зголемувањето на градите на кое се одлучила пред неколку месеци. Најновата хоспитализација се случила една година откако се вратила од Карибите, каде поминала неколку месеци за да се откаже од алкохолот и дрогата, што и успеало, меѓутоа, штом се вратила во Англија тргнала повторно по тој пат.